Translate

Wednesday, January 30, 2013

IZIMISO ZOKWEHLISWA KWEZITHUNYWA LABAVANGELI

  

IZIMISO ZOKWEHLISWA KWEZITHUNYWA LABAVANGELI
1.1 Umsebenzi wokwelatshwa laBavangeli ekholweni loMsebenzi kaNkunlunkulu uqakathekile kakhulu ngoba injongo yokuba seMzini kaNkulunkulu  yikuthi selatshwe imikhuhane ebangelwa yimimoya, siselatshwa zinyanga zeZulu
1.2 Sifundiswa ukuthi aMandla oMoya oyingcwele emkhathini manengi kodwa adonswa ngothunyiweyo, oyiSithunywa,ewafaka emntwini ukuze umuntu elatshwe ageziswe.
1.3 Ukuphambaniseka komsebenzi wokwehliswa kwezithunywa yikudiliza umsebenzi wosindiso ukholo lusale lungela Mandla okuphilisa abahluphekayo.
1.4 Injongo yephepha leli yikuveza ulwazi lwezimiso zokwehliswa kweZithunywa laBavangeli ngemva kokuthula kwelizwi.
2.0  IZIMISO EZIQONDENE LOKWEHLISWA KWEZITHUNYWA ZOKWELAPHA
2.1 Saphiwa imfundiso ethi  '' nxa izulu lisina abahlakaniphileyo bayakhumbula ukuthi izulu lingaphela amanzi asale ekhona ngakho kuhle ukuthi bakhe amadamu benzele ukuthi mhla bengelamanzi basebenzise asemadamu.''
Safundiswa ukuthi amadamu kwakutshiwo iZithunywa zokwelapha ukuthi zande ezindaweni ezinenginengi. (p156,vol1, Ed 2, p98,Vol1, Ed1)
2.2 Pho khathesi zulu kalisani,akulamadamu angakhiwayo, ngoba akhiwa izulu lisina kube lamanzi angena kuwo. Ngezinye indlela,akulaziThunywa ezingabekwa ngaphandle kwalapha okwavela kwabekwa khona,kuleyomuli nguLizwi.
2.3 La amazwi agcwaliswa yinfundiso eyaphuma 4 Mbimbitho 2003, ''Nxa izulu lingana,munye lamunye uyakwazi ukuthi sekumele lilime. Ungayekela ukulima sona isikhathi sikhona lizaphela  izulu. Pho uzakuthini? Unga yikhona uzaqalisa ukulima na? (P53,Vol, 6)
2.4 ''Yikho ngenza ukuba kubekhona iZithunywa ezinengi ukuze ngokuhamba kwesikhathi zisale zisebenza umsebenzi, kodwa ke kubekhona ukuphunguka ngokuhamba munye ngamunye.Lakho lokho lifanele likuhlalele phansi icebo libekhona lithi,'Sizakuba sisenzani,njani kulokusala lingazi into elayimiselwayo''.(akula sidalwa esingamisa okoMoya.
2.5 ''Linganikwa ubukhosi limele likwazi ukuthi lizasala libuphatha njani lobo bukhosi ngoba umzimba munye ngamunye ulokuhamba, lizasala lisenza njani? (p54, Vol.6)
2.6 Kucacile ukuthi ubuThunywa obabiwayo ngobokuthi kuyabe kulosehambile,hatshi okutsha emulini engelakho.
2.8 Amanye amazwi asekela ngale imfundiso , ''Ngibusa Ngedwa. Ngimisa iZithunywa laBavageli baphiwa amandla yiMi kodwa izisebenzi zeminye misebenzi enjengoMgcinisahlalo ,Ugosa uMkhokheli kumbe abahlabeleli liyakhethana ikakhulu abavangeli yibo abakhetha abenza leyo misebenzi. Manje ,nxa esephiwe umebenzi ngabaVangeli kumbe abadala, ibizo lakhe liza kiMi Ngilemukele, '' (p36, Vol. 3).Kucacile njalo ukuthi aMandla okwelapha lobuVangeli aphiwa nguMdali kuphela.Kakho olamandla okwenza lokhu.Lengoma yangoLwesihlanu iyagcwalisa ithi ''uNkulunkulu nguMabeli woMoya oyingcwele.''
2.9 ILizwi Lasazisa ukuthi kaLisaphenduki nxa iSimo Singadilika. Kodwa kwathiwa okuzasebenza yilokhu,''Ngizatshiya ngikumisile (p122.vol1 Ed 1. 195,Vol1Ed,2 0.)
Kasiphiwanga aMandla okumisa okutsha ngaphandle komumo omutsha osungulayo  (Without precedence).
2.10 Sachazelwa ukuthi nxa uNkulunkulu esehlisa iSithunywa,''Yikuguqula umoya wobuntu ube nguMoya oyingcwele,'' Kwala kulandela imuli yakho''akupheli.(p124.Vol 1,Ed1, p199,Ed1,Vol 2 )
2.11 Ngo 15 kuMpndula 2002 (ekuseni) uNkulunkulu wachaza njalo ukwabelwa umsebenzi woMoya ngale indlela,''Into entsha kubakhona ukuthi 'kangifuni' ngoba intsha phakathi kwemuli. Bonke abakhethelwe umsebenzi lo yazini ukuthi lenziwe impilo yalowa msebenzi egazini, emoyeni.Manje nxa uhlamuka wena wenziwa nguNkulunkulu uyabe wenzani? Uphikisana lobani?(p158,Vol.5 ) Yikho nxa umsebenzi wobuThunywa wehlise nguNulunkulu emulini,uyabe uhlanyelwe egazini.
2.12 Izibonelo yikuhamba kwezithunywa ezimbili usithunywa Malunga loSithunywa Mlombo.UNkulunkulu wethesa umntwana kamama owayetheswe umsebinzi okwelapha ukuthi lowo mntwana aqhubekele phambili ngomsebenzi wobuThunywa'' egazini''lanxa endile isibongo siguqukile.
2.13 Ukugcizelela ukuthi okubusayo ngokumiswe nguLizwi,uNkulunkulu wafundisa ethi,'' Pho -ke umuntu nje owokuzwa kuthiwa kwenziwa ithusi angaba ngukhokho, wayengekho ngesikhathi iLizwi lisesekhona kumbe nguBishop wayphi indawo enze okufananayo ababumbele lelo thusi atshelele abalandeli bakhe athi bakhangele kilo ,kungasebenza na? Kungeke kungeke.Kumbe athi,'Hamba uyegeza eJordan layo leyo Jordan kusele ibizo kuphela.Abantu nxa beyekhona kungenzeka yini ukuthi basile?' Bangeke basile.''  Yikho lathi singeke simise iZithunywa silingisele sithi kuzasebenza ngoba iLizwi yilo elibusayo. Esikumiselweyi yikuthi ''Umsebenzi lo kawupheli phakathi kwenu.Fundisanani abantwana benu'' ngoba kwahlanyelwa ezimulini.(P125, VOL.1 Ed. 1,p200,Vol.1, Ed.2)
2.14 Ngelinye ilanga kwachazwa ukuthi abantwana ikakhulu ezindlini ezilomsebenzi wokwelapha, kabahlale ekholweni loMuzi kaNkulunkulu .Kwathiwa angaphuma ekholweni umntwana,uMoya wokade engumelaphi wahamba uthande ukumsebenzisa,'' uzahlanya.''
2.15. UNkulunkulu wehla leziThunywa zokwelapha wazihlanyela lapho ahlanyela khona. UNkunlukulu uthi lapho amise khona umisile njalo ''Isimiso nxa siguqulwa yiMi''.(p76,vol1,Ed.1 p121,vol.1 Ed.2)
2.16 Amazwi okucina akhulunywa phezu komsebenzi wokwehliswa kweZithunywa kwathiwa,''Hatshi okweZithunywa kwanele'' Kwakungene ababecelela abantwana bendlu enkulu ukuthi babe yiZithunywa. Kwaliwa ngoba kuthiwa kukhethiwe:akusengezelelwa.

3.0 SISIFUNDO
3.1 UNkulunkunlu uyaxwayisa ukuthi. Nguye obusayo. Uyamisa, Atshiye ekunikile indlela yokubana okhonze ngayo ungaze walandela umthetho wokuyengwa kuphela ongayisiwo owuvele ukhona,owobukhosi''.  (p127,vol1,Ed 1,p204-205,vol.Ed.2)
3.2 Sixwayisa njalo ukuthi ''Umsebenzi weZithunywa yikwelapha kakhulukazi ukuba abezayo bemukele uMoya oyingcwele usuka phakathi kweZithunywa ezavunyelwayo ukwelapha.'' (p63,vol.4) Izithunywa zokulingisela ezingavunyelwanga nguThixo zilengozi.UNkulunkulu  Uthi ''Limukani khathesi ngemizimba yenu.''(p127,vol.Ed.1. p205,Ed. 2)
3.3 Sise Gaborone 1991 esinye seZithunywa esesilisa uRamatlapeng weModipane,wamiswa kwathiwa angelaphi. Angelapha,uzahlanya lalowo azamelapha laye uzahlanya. Yikho ingozi yokulingisela okumiswe nguMnikazi.
3.4 Sifundiswe ukuthi ubukhosi bokudlelana laMandla aseZulwini esibuphiweyo kabufani lalobuyana obuka ''Popo'' obokuthathelana. (p124.vol 1,Ed. 1,p199.vol,1Ed. 2)
3.5 Ukulunkulu uthi, Okwabanye, limukani ngakho.'' (Umsebenzi kaNkulunkulu kawumiselwa yisidalwa umthetho.'' (p73.vol 6) (Manje ungaphikisa ufuna okwakho okolwazi lwakho lwaphansi kuzacina ngaphi? ( What will be the end of it) Amaphethelo akhona azakuba yini  (p69 vol 6)'' Ukuphela kobunandi bomumbu kufana lawe wena olenkani,osola isimiso uzipha ukubusa.Umoya oyingcwele uyaphuma  kuwe ''.(p41,vol 3) ''Kusasa bakhona abanye abalenkani. Umuzwa esekhuluma okungayisikho,okungokwakhe athi,mina eMzini kaNkulunkulu laphayana ah! Ngifuna usibani banyana, ephikisa iqiniso elisobala efuna ukuphambula abantu.'' (p154,vol 5)
3.6 UNkulunkulu uthi,uMuzi kaNkulunkulu,yindawo omele uyizilele,uzile konke okwamiswayo lapha ukulandele.'' ( p54,vol 6 )
3.7 Safundiswa sanikwa uMzekeliso wesigaba seGokwe UNkulunkulu esithi ''Umsebenzi kawuhambi kuhle ngokungalandeli okumisiweyo.Nxa bephatha umsebenzi ngaleyo ndlela aMandla Azababalekela basale beze. (p12,vol.2) yiyo ingozi enhlanganisweni yokungalandeli okumisiweyo.
3.8 Simiselwe ukuthi umsebenzi wosindiso uzafika kuwo wonke umhlaba. Kwathiwa '' Kuzakuba yinto ebuthanelwa phakathi kweNkundla lingangeni endlini ngoba abunengi babantu buyakhula ngokuzwa imfundiso yeNsindiso .''(p52,Vol 6) Kasingagqibeli imithombo eyakhiwa nguNkulunkulu kanzima sizwele abangekezi.

4.0  IZIMISO  ZOKWEHLISWA  KWEZITHUNYWA  LABAVANGELI
4.1 Kusukisela ziku 9 kuNcwabakazi 1994,uNkulunkulu Wamisa ukuthi obaba bezindlu lapho okuleZithunywa zokwelapha khona kababe ngabavangeli.(p47.vol 1 p 76, vol Ed 1, p 76, vol 1 Ed 2).
4.2 Bekusithi uNkulunkulu akhethe abavangeli ezindlini ezingela Zithunywa ngokumisa kwaKhe. Kodwa umthetho esiwuphiweyo ngowokuthi lapho okwehliselwe khona iSithunywa sokwelapha ubaba kabe nguMvangeli. UMvangeli oyabe emiswe okungaphandle kwelesi isimo uyabe emiswe okungaphandle kwezimiso esaziphiwayo.
4.3 UNkulunkulu uthi,Yazi ukuthi  iZithunywa labavangeli baphiwa amandla yiMi kodwa izisebenzi zeminye imisebenzi enjengo Mgcinisihlalo, uGosa,uMkhokheli kumbe abaHlabeleli liyakhethana,ikakhulu abavangeli yibo abakhetha abenzaleyo misebenzi.''  (p36,vol.3) Yikho imfundiso yokuthi uMgcinisihlalo uvelo ulingana laBavangeli kaqoke njengabavangeli ngeyokulahla inhlanganiso.

5.0 INDLELA YOKUQHUBEKA
5.1 Abanye bayakhathazeka ukuthi pho njengoba Zithunywa zizilutshwane kangaka Yena esithi ''Umuzi kaNkulunkulu uyakhula ukhulile, kawupheleli khona lapho, uya emhlabeni wonke''9 (p59, vol 6) kuzakwenziwa njani ukuthi umhlaba welatshwe?
5.2 ILizwi lathi lona,'' Injongo yokuza kukaNkulunkulu ukuvela phakathi kwakho M'Africa yikuthi wena uzekhululwa ebunzimeni,ugeziswe,uguqulwe,ubusiswe.'' (p30, vol 5) Isibusiso ngesokuphatha ubukhosi baseZulwini,umhlaba wonke welatshwe ngesizwe esinsundu.Kwathiwa,'' UNkulunlkulu wehlele umhlaba wonke ngawe Africa.{p79, Ed 1 vol 1.p143, vol 1. Ed, 2) Inhlanhla yehlela lapha emhlabeni ukuthi ivele ngawe wena muntu oNsundu,muAfrica.(p8,vol 5)

5.3 KASINANZELELENI LOKHU
Kwathiwa,ngesikhathi esizayo lizakwelatshwa ngamaRadio,amaTV, Lamafoni. Siyeza lesisigaba somsebenzi. IVideo conferencing,lamhlanje iyenelisa ukuthi umuntu akhulume loba langubani kuwo wonke amagumbi omhlaba bebonana bebabili. Amandla Azaziveza indlela yokusebenza,''
Kwathiwa ,''Ngesikhathi esizayo bazadinga kuphela lapho okulomntwana woMuzi kaNkulunkulu. Ngokungena emzini wakhe behlala phansi bazasuka sebesizwa ngcono.'' Siyeza lesisgaba somsebenzi lapho abantwana bakaNkulunkulu bazakuba laMandla aphindiweyo okuthwalela umhlaba bencedisana leZithunywa zokwelapha.
Kwathiwa Izizwe zizabuthana kweleZimbambwe bedinga aMandla la.''Siyeza lesosigaba lobubanzi baso.Okunengi sizakwambulelwa.
Inengi lomhlaba bayakhonza kodwa ukukhonza kwabo ngokokudumisa lokomthetho.Kabalalwazi lwaMandla abakhona ekholweni. AmaMoslem,amaHindu amaBhuddist lamaKhristu amanengi kathandazeli. Pho nxa kufike ukholo olulamandla oluguqula impilo yomuntu lanxa kungela sandla ngokuhlabelela kodwa lokusebenza kwamaButho emoyeni,ukholo lungeke lwehluleke ukumemetheka.Okukhulu yinfundiso lokulandela izimiso zokholo, okwenza aMandla asebenze.
Abokholo lokuza baluhambisa umhlaba wonke lwemukelwa yisidalwa,'' okunengi kuzavezwa ngaMandla ngokuhamba kwesiKhathi.
6.0 ISIPHETHO
            Sengathi uNkulunkulu Angenza sihlale sibambene kukho konke esikmiselweyo
            Ngokungapheliyo
Ngabalobi bezingwalo zezimiso
A.M.P. Sibanda
A.N. Peto
P.Dlamini
P.S THE PRODUCER OF THIS DOCUMENT HAS TRIED TO PUT IT AS IT IS, NOTHING IS ADDED OTHER THAN WORD EDITING.

==================================================================

GUTA RAMWARI GODLWAYO 1998 (Vol 3 p13)


GUTA  RAMWARI  GODLWAYO ILANGA   
20  MPANDULA  1998 BULAWAYO
ISIHLOKO: UKWAZI UNKULUNKULU YINTO EHLUPHAYO
Mayelana lomsebenzi lo elilawo, kalingadlali ngesikhathi. Kwasukusela kude kukhulunywa ukuthi ''Ngibaphe ubukhosi.'' Manje kutshiyana ngabantu. Nxa sekudilikiwe ,abantu bayaswela abangakwenza.
Manje uNkunkunlunkulu kulezi insuku,Sifuna ukuthi Sifundise abantwana ukuba lisale lihlezi njani ngoba ngesikhathi sika Jesu, kabaMazanga ukuthi uNkulunkulu Uphakathi kwabo cha, baze baMbethela esiphambanweni.
Ezikhathini ezinengi lokhu kucina kukhathaza lapho okuphuma khona imisebenzi. Kuloleli ilizwe,uNkulunkulu Esevelile eMethodist kuNkosikazi Chaza, bamxotsha ebandleni bathi uphambanisa imithetho yabo; wayahlala egangeni kwaze kwaqalisa iGuta koSeke. Kwakhulunywa okunengi lokuthi Esehambile kube lomhlangano muva kwamatshumi amane ezinsuku: lapho okwavela khona iSithembiso. Ngifuna lazi ukungazi uNkulunkulu okusebantwini. Lina liyaNgazi ngenxa yokuthi seliphilisiwe.
Ekuphendukeni ethe ,Sengiphendukile yiMi Nkulunkulu,'' ababelatshiwe inengi labo baMphika, abalutshwana bavuma. Batshaya baxotshela phandle. Manje, kulezinsuku,ngokuhlutshwa izikhathi zonke, kaNgisabuyi futhi kuzo izidalwa lezi, kodwa Ngizatshiya Ngimisile indlela yokuthi bale bebambelele emthethweni wabo isimiso sami. Leso simiso saqalisa kudala.
Kuma 60, NgaNgibatshela ukuthi nxa izulu lingana abantu abahlakaniphileyo bayakha amadamu okugcinela amanzi ngoba nxa izulu liphela ukuna, kusale amanzi okusebenzisa, ngakho, abanengi bayawazuza. Ngalezinsuku, Ngiyabatshela ukuthi,EngaNgilitshela ngakho, okwamadamu, yiZithunywa ukuze aMandla asale esebenza phakathi kwenu, lamazwi athi,'' lapha kaNgiphumi endlini eNgayikhethayo,'' Kutsho ukuthi aMandla Azasala esebanza njengokumisa eNgiyabe Ngikwenzile.
Manje ukuhlupha abantwana abangcwele baka Nkulunkulu kuyakhathaza. He-he sengisiyakhuluma ukuthi -A-a. KaNgizukuza Ngisithi NginguNkulunkulu kumbe ukuthi, seNgilapha. Kodwa NgaNgilokhu Ngibatshela. Kakuzukuba lendawo yesitsotsi lapho okuzakuthiwa kulo Nkulunkulu lapha Kakuzukwenzeka lokho. Lina elise Guta Ramwari, Ngilimisele imithetho kuphela. AMandla Azakuba Esebenza.
Manje Nxa Ngilitshela,Ngilifundisa, abanye bayezwa abanye kabezwisisi ,ngakho imfundiso phakathi kwabantu kayiphume ngalaba abenzelwa imisebenzi emihle njengoba sisanda kuzwa amazwi avela kuNdabazabantu uChigiga lo Petros Zishiri. Ivangeli elilapha ngelokukhuluma ngokusila lokubusiswa okubonayo.
Umhlangano omkhulu olandiweyo susetshenziwe, Sizalalela kokuyabe kufaneka ngensuku ezizayo
Kuze kube ngokungapheliyo    


-----------------------------------------------------------------------------------------------------------------
------------------------------------------------------------------------------------------------------------------

SAHLUKO SAMATSHUMI AMABILI LASIFICA MUNWE MUNYE

Ukwahlulela Abanye


  1. Noma kanjani kuyenzeka ukuthi kwesinye isikhathi ubalomkhumbulo ngabanye abantu labo babe lomkhumbulo ngawe.
  2. Kuyenzeka kanengi nengi ufuqwa ngumumo ukuthi afake izinqumo ngokutshetsha ngabo njalo ungeke waba ngongelanhlangothi kulokho abakutshela khona.
  3. Ngakho ke uNkulunkulu ufuna ukuthi wena ungahluleli abanye ukuze lawe ngokwakho ungahlulelwa ngoba nxa usahlulela abanye lawe uyabe usahlulelwa. Ngakho lokho okwenza kwabanye kuzakwenziwa kuwe.
  4. Awufanelanga ukufaka isigwebo sokulunga ebantwini ngoba ukugweba ngokukaNkulunkulu yedwa ngoba Yena zw Nguye owazi yonke impilo yomuntu.
  5. Awungeke wazi ubunzima lezididayo ezimpilweni yomunye umuntu eziyizo ezenza abeyilokhu ayikhokhona.
  6. Into eqakathekileyo yibudlelwano bakhe loNkulunkulu. Nxa kuyikuthi lowo ofuna ukumahlulela wenza izinto ezimbi ezibonakala mhlophe ungamsoli kodwa mcebise ngoba ngokucebisa uyabe usenza intando kaNkulunkulu. 
  7. Ungaphi umlandu emtwini oqhulayo ezidonsa emgwaqweni ngaphandle kokuba usuke wagqoka izicuthulo azigqokileyo mhlawumbe usuke wa watshudula ngomthwalo wakhe.
  8. Engxenye ezicathulo zakhe kulezipikili ezimzwisa ubuhlungu, amathuthuva lamakhonzi angabonakaliyo.
  9. Imithwalo ayithweleyo ungayetheswa emhlane, emahlombe kumbe ekhanda lakho ingakwenza ubekusimo esinjenge sakhe kumbe esedluleleyo.
  10. Ungahozi ohlulukelweyo ngaphandle kokuba wena sewake wezwa isisindo salowo mumo lokuyangeka okwaziyo ngonjalo.
  11. Ungabi lolaka emntwini owonayo kumbe umhalade ngaphandle kokuba uleqiniso lokuthi wena awula zono
  12. Ungasoli umuntu ngalokho oyabe ekutshelwe ngomunye ngaphandle kokuba wena ngokwakho usulobufakazi bakho.
  13. Kulokhu, msole kamnene njalo umqandondise nxa uleqiniso lokuthi okwenzileyo kuliqiniso. Nxa kunge njalo umcebise umakutshela ngendlela uNkulunkulu angaqondisa ngayo.  
  14. Wena awuphelelanga okokuthi ungakhomba omunye muntu ngomunwe
  15. Uyazikhohisa ngokuqathansa buhe obukuwe obubi obukwabanye njalo ukhangeleka angath awumub kangako
  16.  Kodwa isilinganiso sikaNkulunkulu sokwahlulela ayisiso sokufananisa kodwa ngesokuphelela.UNkulunkulu ukhangelele ukuthi uveze ubungcono bakho bonke.
  17.  Kulowo ophiwe okunengi, kukhangelelwe okunengi. Ngakho kungani ukhangele uluthi oluselihlweni lomunye wena kwelakho kulo gongolo?
  18.  Kungani uluntu ludele umlandu walo olawuphiwa nguNkulunkulu wokucebisa lokuqondisa labo abafanele ukuzuza lokhu? 
  19. Kungani na uluntu selusungule kumbe lwemukela izenzo ezimbi ezenziwa yilabo abangazi ukuba khona kukaNkulunkulu laMandla aKhe amakhulu angabonwayo kodwa azwiwayo njalo ayiwona abadalayo?
  20. Uluntu lubonakala seluvukelana kulokuba lweyame kuNkulunkulu uMenzi walo kanye lokulwa lobubi oselubabophile njalo luqhubekela phambili lucunula uNkulunkulu.

 -------------------------------------------------------------------------------------------------------------------
-------------------------------------------------------------------------------------------------------------------
The Functions of Offerings in Guta Ramwari 
=================================================================
=================================================================
=======================================================
=======================================================
IZIFUNDO EZILITSHUMI LAMBILI.
ISAHLUKO SAMATSHUMI AMABILI
 LASIFIC MINWE MIBILI BANA 
LETHEMBA KUNKULUNKULU
  1.  Ungacunulwa yizoni kumbe uzondele izisebenzi zobubi.
  2.    Bazaqunywa njengotshani njalo bome njengesihlahla esiluhlaza.
  3.   Themba kuNkunlunkulu njalo wenze okuhle isikhathi sonke ukuze uhlale laYe eMbusweni waKhe.     Njengeqiniso uzakondliwa usuthe okudlulisileyo.
  4.   Jabula kuNkulunkulu Uzakunika okufunayo
  5.   Nikela yonkindlela yempilo yakho kuNkulunkulu njalo uthembele kuYe ngokuphelelyo,uZasuthisa iziloyiso zakho zonke ezilungileyo
  6. Uzaveza ukulunga kwakho lapho ohlala khona njengesibane esikhulu. Izinqumo obalazo ngezenzakalo zelanga zizakuba ngeziqondileyo njenge mini enkulu.
  7. Yeyama kuNkulunkulu njalo ulindele ngokubekezela Ungahawukeli labo abaphumelelayo ngezindlela zabo ezimbi.
  8. Nina ukuzonda noma uphanjanisiwe. Xwaya inzondo noma ngeyaluphi uhlupho ngoba ngokuzingenisa kulokhu unika umoya omubi ithuba lokuthi uphambanise impilo yakho eqondileyo.
  9. Kulokudubeka okungapheliyo kubenzi bobubi kodwa labo abaphila impilo eqondileyo bazathola impilo engapheliyo.
  10. Izixhwali zingakhanya zilungile okwesikhatshana kodwa ekucineni zivela sobala.
  11.  Abamnene bazazuza ilifa lomhlaba bazijabulisie ngokuthula okunengi okukhona.
  12. Izoni zithamela abalungileyo ensitha zifise ukuthi ngaba abalungileyo kabakho emhlabeni kodwa uNkulunkulu Uyazikhangela esazi ukuthi ilanga lazo liyeza liseduze.
  13. Ababi bakhipha izinkemba lamadandile lemitshoko belinde ukubulala abampofu labaswelayo emoyeni lalabo abalenkulumo ezemukeleka kuNkulunkulu.
  14. Izinkemba zabo zizabaciba bona ngokwabo ezinhlizweni zabo kuthi amadandile abo aqanyulwe ehluleke ukusebenza emizameni yabo.
  15.  Okucane okomuntu olungileyo kwedlula inotho yabantu abanengi abangalunganga ihlangene ngezinkulungwane ezinengi.
  16. Izingalo zababi zizakwephulwa kodwa uNkulunkulu uzaphakamisa abalungileyo.
  17. UNkulunkulu uyazi amalanga abalungileyo bona abalelifa elingapheliyo lenjabulo engalamkhawulo.
  18.  Abasoze bayengane ngesikhathi sobubi njalo bazasuthiswa ngamalanga endlala.
  19. Ababi bayakwazi ukweboleka kodwa ababiseli. Abalungileyo bayabuyisela abakubolekileyo ngoba balozwelo.
  20. Labo ababusiswe nguNkulunkulu bazaphila kokuphela eMoyeni kodwa labo abathukiweyo bangeke
  21. Amanyathelo omuntu olungileyo amiswa nguNkulnkulu njalo Uthokoza ngawo.
  22. Noma angawa kasoze aphoselwe phansi ngoba uNkulunkulu Uyamphatha ngesandla saKhe.
  23. Tshiya ububi wenze ukulunga ukuze uphile okungapheliyo.
  24. UNkulunkulu kabalahli abakhethiweyo baKhe Uyabalondoloza kokuphela.
  25. Umlomo wolungileyo ukhuluma inhlakanipho njalo lolimi lwakhe lutsho izinqumo ezamkeleyo kuMenzi wakhe.Umthetho kaNkulunkulu usenhlizweni yakhe. Akula nyathela lakhe elizatshelela liphume embusweni kaNkulunkulu.
  26. Ababi bahlala bekhangele abalungileyo befuna ukubphambula ezindleleni zabo.
  27. Lindela kuNkulunkulu ugcine indlela yakhe , uzakuthuthukisa ukuze udle ilifa lempilo engapheliyo.
  28. Abantu abanengi ababi abasezikhundleni ezikhulu phakathi kwabantu, bachaka njenge sihlahla esihlala siluhlaza. Bayafa bangatholakali kwabalungileyo.
  29. Khangela umuntu oqotho bona oqondileyo ngoba isiphetho sakhe yikuthula.
  30. Usindiso lwabalungileyo ngolukaNkulunkulu.Ungamandla abo ngesikhathi senhlupho. Uyabanceda, aphinde ababusise kwababi njalo abahlenge ngoba beMethembile.
  31. ILizwi likaNkulunkulu kalihlale kuwe linothe ngenhlankanipho, lifundisana ngezingoma zokholo lihlalebelele kamnandi ezinhliziyweni zenu kuNkulunkulu.        
32. Noma kuyini okwenzayo ngamazwi kumbe ngezenzo, kwenze ngegama likaNkhulnkulu udumisa.
33. Bafazi thandani lihloniphe omkenu ngoba lokhu kwamiswa nguNkulunkulu.
34. Madoda thandani lihloniphe omkenu ngeqiniso kwamiswa nguNkulunkulu.
35.Bantwana hloniphani abazali benu ezintweni zonke ngoba lokhu kuyajabulisa phambi kukuNkulunkulu.  
     Ingqe yikuphi okucelayo ukuba uNkulunkulu akwenze kasoze akudanisa.
36. Bobaba lingahlukuluzi abantwana baze bazonde ngoba lokhu kuzabenza badangale. Bafuna uthando        lwabazali lokuqondiswa.
37. Zisebenzi hloniphani kukho konke lalelani abaqatshi benu ngamandla enu onke.
38. Noma kuyini okwanzayo kwenzele uNkulunkulu ngenhliziyo yakho yonke hatshi ukwenzela umuntu.
39. Yazi ukuthi kuNkunlunkulu uzazuza umvuzo wempilo engcwele engapheliyo ngoba uyaMsebenzela.
40. Lowo owenza okungaqondanga uzazuza umvuzo walokho akwenzayo kungakhethelekile ukuba ulesikhundla bani.
41. Nikeza konke kuNkulunkulu njalo umthembe ngokungapheliyo.
P.S THE PRODUCER OF THIS DOCUMENT HAS TRIED TO PUT IT AS IT IS, NOTHING IS ADDED OTHER THAN WORD EDITING.
Posted by at 2 comments:
Subscribe to: Posts (Atom)